TOShKENT, 1-may — Sputnik. 30-aprel kuni Shvetsiya prokuraturasi tomonidan terakt tayyorlashda gumonlangan uch nafar o‘zbekistonlik qo‘lga olindi, deb xabar qildi RIA Novosti Shvetsiyaning TT axborot agentligi asosan.
Shvetsiyaning TT axborot agentligi aniqlik kiritishicha, ulardan kamida bir nafari ilgari boshqa bir o‘zbekistonlik — o‘tgan yil aprel oyida Stokgolmda terakt uyushtirganlikda gumonlanib sud qilinayotgan Rahmat Oqilov bilan aloqada bo‘lgan.
Shvetsiya politsiyasi mamlakat shimolida va Stokgolm tashqarisida tezkor tadbir o‘tkazishgan.
O‘zbekistonliklardan tashqari, politsiyaga so‘roq qilish uchun yana bir necha kishi olib kelingan.