TOShKENT, 1-may — Sputnik. Yaponiya, Xitoy va Janubiy Koreya yetakchilari 9-may kuni Tokioda uchrashadilar. Uch mamlakat yetakchilari Koreya yarimorolini yadro qurolidan xoli hududga aylantirish bo‘yicha hamkorlik imkoniyatlarini muhokama qiladilar, deya rasman e’lon qildi seshanba kuni Seul ma’muriyati.
Ma’lumotlarga ko‘ra, Yaponiya Bosh vaziri Sindzo Abe, XXR Davlat kengashi Bosh vaziri Li Ketsan va Koreya Respublikasi prezidenti Mun Chje In Pxanmunjomada bo‘lib o‘tgan koreyalararo sammit yakunlari, shuningdek, mintaqa hamda dunyodagi vaziyatni muhokama qiladilar.
Kiodo agentligi shuningdek, Yaponiya Bosh vaziri uch tomonlama sammit o‘tkazilishi haqidagi rejani rasman tasdiqlagani haqida xabar bergan.
Sammit "doirasida" olti yarim yil deganda ilk bor Janubiy Koreya prezidentining Yaponiyaga tashrifi bo‘lib o‘tadi.