TOShKENT, 23 apr — Sputnik. O‘zbekiston va Turkmaniston o‘rtasida ikki tomonlama hujjatlarni imzolash marosimi bo‘lib o‘tdi, deb xabar qildi Sputnik O‘zbekiston muxbiri.
Uchrashuvda siyosiy, savdo-iqtisodiy, investitsiyaviy, transport-kommunikatsiya, ta’lim va sport sohalarida ikki tomonlama hamkorlikni yanada mustahkamlashga qaratilgan salmoqli hujjatlar to‘plami imzolandi:
1. O‘zbekiston Respublikasi prezidenti huzuridagi Strategik va mintaqalararo tadqiqotlar instituti bilan Turkmaniston iqtisodiyot vazirligi Strategik va barqaror rivojlanish instituti o‘rtasida o‘zaro anglashuv memorandumi;
2. O‘zbekiston kasaba uyushmalari federatsiyasi va Turkmaniston kasaba uyushmasi milliy markazi o‘rtasida anglashuv memorandumi;
3. O‘zbekiston va Turkmaniston savdo-sanoat palatalari o‘rtasidan ishbilarmonlik kengashini tuzish to‘g‘risida bitimi;
4. O‘zstandart agentligi bilan Turkmenstandartlari bosh davlat xizmati o‘rtasida 2018-yil mo‘llajlangan hamkorlik rejasini tasdiqlash to‘g‘risida bayonnomasi;
5. Ikki mamlakat tashqi ishlar vazirliklari o‘rtasida 2019-yilga mo‘ljallangan hamkorlik dasturi;
6. Sport sohasida hamkorlik to‘g‘risida idoralararo memorandumi;
7. O‘zbekiston va Turkmanistonda savdo uylarini tashkil etish to‘g‘risida idoralararo bitimi;
8. 2019-2021 yillarga mo‘ljallangan ilmiy-texnikaviy hamkorlik to‘g‘risida hukumatlararo dasturi;
9. 2014-yil 19-noyabrda imzolangan chegara bo‘yi viloyatlar hududida joylashgan xo‘jalik obyektlarda xizmat qiluvchi shaxslar tomonidan o‘zbek-turkman chegarasini kesib o‘tish to‘g‘risida bitimga bayonnoma;
10. Yoshlar ittifoqi markaziy kengashi bilan Turkmaniston yoshlar tashkiloti o‘rtasida anglashuv memorandumi;
11. "Avaza" milliy turistik zonasi bolalarni sanator sog‘lomlashtiruv davolash to‘g‘risida hukumatlararo bitimi;
12. O‘zbekiston Xotin-qizlar qo‘mitasi bilan Turkmaniston Xotin-qizlar ittifoqi o‘rtasida anglashuv memorandumi;
13. O‘simliklar karantini sohasida hamkorlik qilish to‘g‘risida idoralararo bitimi;
14. Mintaqalararo hamkorlik to‘g‘risida hukumatlararo bitimi;
15. Amiakli silitra tranziti to‘g‘risida hukumatlararo to‘g‘risida memorandum hamda 2018-2020 yillarga mo‘ljallangan transport sohasida hamkorlik to‘g‘risida hukumatlararo dasturi.
Shundan so‘ng, Shavkat Mirziyoyev va Gurbanguli Berdimuhamedov ikki davlat rahbarlarining qo‘shma bayonotini imzolashdi.