TOShKENT, 19 apr — Sputnik. Jogorku Kenesh ko‘pchilik ovoz bilan Sapar Isakov rahbarligidagi hukumatga ishonchsizlik bildirdi, deb xabar berdi Sputnik Qirg‘iziston nashri.
Ilgariroq boshqaruv koalitsiyasiga kiruvchi SDPK va "Qirg‘iziston" fraksiyalari Vazirlar mahkamasi hisobotini qoniqarli deb topgan edi. Koalitsiyaning uchinchi ishtirokchisi — "Bir Bol" — uni tinglamagan. Ungacha esa parlament oppozitsiyasi ("Onuguu — Progress", "Ata Meken" va "Respublika — Ata-Jurt" fraksiyalari) Hukumatning 2017-yil uchun hisobotini qoniqarsiz deb topgan.
Ovoz berish yakuniga ko‘ra(101 deputat ovoz bergan), Jokorgu Kenesh Vazirlar mahkamasiga ishonchsizlik bildirishi haqidagi qarorni qabul qilgan.
Hukumatga ishonchsizlik bildirilganidan keyin prezident Vazirlar mahkamasining iste’fosi haqida qarorni qabul qilishga yoki Jokorgu Kenesh qaroriga e’tiroz bildirishga haqli.
O‘tgan yilning avgust oyiga qadar hozirgi prezident Sooronbay Jeenbekov Qirg‘iziston Bosh vaziri bo‘lgan. Uning saylovlar tufayli iste’fosidan keyin Vazirlar Mahkamasiga Sapar Isakov rahbar bo‘lgan edi.