TOShKENT, 15 fev — Sputnik. FIFA milliy terma jamoalarning yangi reytingini e’lon qildi. Reytingda O‘zbekiston terma jamoasi o‘tgan oydagiga nisbatan 5 pog‘ona yuqorilab, 72-o‘rinni egalladi.
O‘zbekiston termasi 453 ochko to‘plab Osiyoda Eron, Avstraliya, Yaponiya, Janubiy Koreya, Saudiya Arabistoni va Xitoydan keyin 7-o‘rinda bormoqda.
FIFA reytingining birinchi pog‘onasidan Germaniya joy olgan. Keyingi o‘rinlarda Braziliya va Portugaliya joylashgan.
Kuchli beshlikdan shuningdek, Argentina va Belgiya o‘rin olgan.