TOShKENT, 14 fev – Sputnik. "O‘zbekkino" Milliy agentligi buyurtmasiga binoan Imom Iso at-Termiziy haqida hikoya qiluvchi film suratga olinadi. Bu haqda agentlik matbuot xizmatiga tayanib uz24.uz xabar berdi.
Xabarga ko‘ra, film ssenariysi At-Termiziyning hayoti, faoliyati bilan bog‘liq voqealar va uning ustozi Imom Al-Buxoriy bilan o‘tkazgan mashg‘ulotlari haqidagi hikoyalar asosida yozilgan.
Hozirda mazkur filmni suratga olishga qizg‘in hozirlik ko‘rilmoqda. Film rejissori Abduxalil Mingnorov film uchun aktor va aktrisalar guruhini sinovdan o‘tkazmoqda.
Loyihani amalga oshirishda Shayx Abdulaziz Mansur ham o‘z maslahat va ko‘rsatmalari bilan ishtirok etmoqda.