TOShKENT, 23 yanv — Sputnik. 8 mart, xalqaro xotin-qizlar bayrami kuni Moskvada taniqli o‘zbek estrada qo‘shiqchisi Lola Yo‘ldoshevaning yakkaxon konserti bo‘lib o‘tadi, deb xabar qildi Sputnik muxbiri.
Konsert tashkilotchilari muxlislarga o‘zgacha yangi dastur taqdimoti o‘tkazilishi haqida va’da berishmoqda.
Konsert dasturida turli sovg‘alar va ko‘ngilochar uyinlar o‘tkaziladi.
Shuningdek, muxlislar Lolani 3-fevral kuni Sankt-Peterburgda va 4-fevral kuni Moskvada ko‘rishlari mumkin. Bu haqda Lola Yo‘ldosheva o‘zining Instagramdagi sahifasida ma’lum qildi.
Eslatib o‘tamiz, o‘tgan yil oktabr oyida Lola O‘zbekistonga tashrif buyurgandi. Undan avval o‘zining yangi qo‘shigini Tojikistonda taqdimotini o‘tkazgandi.