TOShKENT, 19 yanv — Sputnik. Avtobusda sodir bo‘lgan yong‘in oqibatida halok bo‘lgan 52 yo‘lovchining tanasi chiqarib olindi va Aqto‘bega yetkazildi, deb xabar qilmoqda Aqto‘be hokimligi matbuot-xizmati.
Hodisa yuz bergan Irgiz tumaniga tez orada O‘zbekiston Favqulodda vaziyatlar vazirligi rahbari Rustam Jo‘rayev va Aqto‘be viloyati hokim o‘rinbosari Serik Tulenbergenov hamda davlat organlarining boshqa xodimlari yetib borishadi, deb xabar qilmoqda Sputnik Qozog‘iston nashri.
"Aqto‘be viloyati hokimligi tomonidan barcha zarur yordam choralari ko‘rsatilmoqda. Qozog‘istonlik ekspertlar O‘zbekistonlik hamkasblari bilan kunu-tun sud-tibbiy ekspertizasini o‘tkazishmoqda", — deyiladi xabarda.
O‘zbekiston FVV matbuot-xizmati ilgariroq hodisa qurbonlarining dastlabki ro‘yxatini e’lon qilgan edi.