TOShKENT, 19 yanv — Sputnik. Yonib ketgan avtobus saloni ichidan halok bo‘lganfuqarolarning tanalarini olib chiqish ishlari davom etmoqda, ayni vaqtgacha 44 kishi jasadi olib chiqilgan, deb xabar qildi Aqtobeda o‘tgan brifingda Qozog‘iston Ichki ishlar vaziri o‘rinbosari Yerlan Turgumbayev.
Turgumbayevning so‘zlariga ko‘ra, yong‘in avtomashina salonida bo‘lgani tufayli tanalar tanib bo‘lmas darajaga kelib qolgan. Shu bois, ularni ayni vaqtda Aqtobe shahridagi morgga olib kelib, 19-yanvar kuni shaxsini aniqlash va tanib olish ishlari boshlab yuborilishi ma’lum qilindi.
Aqtobe vloyati gubernatori o‘rinbosari Serik Tulenbergenov bayonotiga ko‘ra, region hokimiyati tergov ishlari uchun zarur bo‘lgan barcha tadbirlarni amalga oshirishmoqda: tanalar morgga va sud-tibbiyot ekspertizasidan keyingi transportirovka ishlari bo‘yicha barcha tadbirlarga hozirlik olib borilmoqda.
"Hodisa yuz bergan joyda vaziyat chindan og‘ir, tanalarning hammasi kuyib ketgani tufayli ayni vaqtda bittadan chiqarib olinmoqda… Sud ekspertizasi kunu-tun amalga oshiriladi, shundan so‘ng tanalarni O‘zbekiston tomonga berish bo‘yicha qaror qabul qilinadi", — degan gubernator o‘rinbosari.