TOShKENT, 18 yanv — Sputnik. O‘zbekiston prezidentining 2018-yil 16-yanvar sanasida imzolangan farmoni bilan bojxona to‘lovlaridan ozod etiladigan ayrim turdagi ozoiq-ovqat mahsulotlari va xom-ashyolar turi tasdiqlandi, deb xabar qilmoqda Sputnik O‘zbekiston muxbiri.
Bojxona to‘lovlaridan ozod etilgan tovarlar ro‘yxatiga yirik shoxli tirik jonivorlar; tirik qo‘y va echkilar; yirik shoxli jonivorlarning go‘shti, yangi so‘yilgan yoki muzlatilgan go‘sht; kungaboqar urug‘i va kunjut urug‘lari, qamishdan olingan yoki lavlagidan olingan shakar va qattiq holatdagi toza saxaroza o‘rin olgan.