https://oz.sputniknews.uz/20260524/xorij-jurnalist-starobelsk-korsatilish-57832312.html
“Buni sahnalashtirib bo‘lmaydi”: xorijiy jurnalistlarga Starobelskda fojia joyi ko‘rsatildi
“Buni sahnalashtirib bo‘lmaydi”: xorijiy jurnalistlarga Starobelskda fojia joyi ko‘rsatildi
Sputnik O‘zbekiston
50 dan ortiq xorijiy jurnalist Starobelskdagi fojia joyida ishladi. Ularga dron qoldiqlari ko‘rsatildi, Al Arabiya muxbiri esa obyekt fuqarolik obyekti ekanini aytdi.
2026-05-24T17:53+0500
2026-05-24T17:53+0500
2026-05-24T18:03+0500
rossiyaning donbassdagi maxsus harbiy operatsiyasi
dunyo yangiliklari
dunyoda
lugansk xalq respublikasi (lxr)
jurnalistlar
rossiya tiv
mariya zaxarova
https://cdn1.img.sputniknews.uz/img/07ea/05/18/57832141_0:160:3072:1888_1920x0_80_0_0_696a7e737498aa227d420c0838c16fbe.jpg
TOShKENT, 24-may – Sputnik. Starobelskdagi kollejga tashrif buyurgan xorijiy jurnalistlarga Ukraina uchuvchisiz uchish apparatlarining qoldiqlari namoyish etildi. Bu haqda RIA Novosti xabar berdi.Agentlik ma’lumotiga ko‘ra, jurnalistlarga kollej va yotoqxona binolariga zarba bergan uchuvchisiz apparatlarning turli qismlari, jumladan, ulardan biriga o‘rnatilgan Starlink terminali antennasi parchalari ko‘rsatilgan.Al Arabiya bosh muxbiri Saad Xalaf voqea joyida ishlaganidan so‘ng RIA Novostiga kollej binosi fuqarolik obyekti ekanini aytdi.Uning so‘zlariga ko‘ra, binoda bolalarning shaxsiy buyumlari ko‘p bo‘lgan. Xalaf jurnalistlarga hududda ishlash, ko‘rish, suratga olish va mas’ullar bilan suhbatlashish uchun to‘liq imkoniyat berilganini ham ta’kidladi.Uning qo‘shimcha qilishicha, jurnalistlar fojia joyini ko‘zdan kechirgan, bolalar xonalarida bo‘lgan, rasmiylar, qutqaruv xizmatlari vakillari va guvohlar bilan suhbatlashgan.AQShlik jurnalist Kristofer Xelali ham RIA Novostiga voqea joyida ko‘rganlari haqida fikr bildirdi. Uning aytishicha, Ukraina G‘arb ko‘magisiz bunday harakatlarni amalga oshira olmaydi.Yakshanba kuni 50 dan ortiq xorijiy jurnalist Starobelskdagi kollejga berilgan zarba oqibatlari bilan tanishish uchun LXRga yetib kelgani xabar qilindi. 22-maydagi hujum oqibatida 21 kishi halok bo‘lgani va 63 kishi jabrlanganini, zarba kollej va yotoqxona binolariga berilgani aytilmoqda.LXR rahbari Leonid Pasechnik juma kuni Ukraina Qurolli kuchlari Lugansk davlat pedagogika universitetining Starobelsk kasb-hunar kolleji o‘quv binosi va yotoqxonasiga hujum qilganini ma’lum qilgan.Rossiya Tergov qo‘mitasi ma’lumotiga ko‘ra, zarba tunda samolyot tipidagi to‘rtta uchuvchisiz uchish apparati orqali berilgan. RIA xabarida o‘sha paytda yotoqxonada 86 nafar o‘quvchi va xodim bo‘lgani qayd etilgan.Ish yakunlangach, xorijiy jurnalistlar fojia joyini tartibli ravishda tark etgani xabar qilindi.
https://oz.sputniknews.uz/20260523/mariya-zaxarova-xorijiy-jurnalistlarni-starobelskka-taklif-qildi-57816242.html
lugansk xalq respublikasi (lxr)
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2026
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
dunyo yangiliklari, dunyoda, lugansk xalq respublikasi (lxr), jurnalistlar, rossiya tiv, mariya zaxarova
dunyo yangiliklari, dunyoda, lugansk xalq respublikasi (lxr), jurnalistlar, rossiya tiv, mariya zaxarova
“Buni sahnalashtirib bo‘lmaydi”: xorijiy jurnalistlarga Starobelskda fojia joyi ko‘rsatildi
17:53 24.05.2026 (yangilandi: 18:03 24.05.2026) 50 dan ortiq xorijiy jurnalist LXRga yetib kelib, Starobelskdagi fojia joyida ishladi. Ularga dron qoldiqlari, jumladan Starlink antennasi qismlari ko‘rsatildi
TOShKENT, 24-may – Sputnik. Starobelskdagi kollejga tashrif buyurgan xorijiy jurnalistlarga Ukraina uchuvchisiz uchish apparatlarining qoldiqlari namoyish etildi. Bu haqda RIA Novosti
xabar berdi.
Agentlik ma’lumotiga ko‘ra, jurnalistlarga kollej va yotoqxona binolariga zarba bergan uchuvchisiz apparatlarning turli qismlari, jumladan, ulardan biriga o‘rnatilgan Starlink terminali antennasi parchalari ko‘rsatilgan.
Al Arabiya bosh muxbiri Saad Xalaf voqea joyida ishlaganidan so‘ng RIA Novostiga kollej binosi fuqarolik obyekti ekanini aytdi.
“Bu fuqarolik obyekti ekanini ko‘rib turibman. Buni sahnalashtirib bo‘lmaydi. Hammasini bunchalik tez uyushtirish imkonsiz, bu real emas”, — dedi u.
Uning so‘zlariga ko‘ra, binoda bolalarning shaxsiy buyumlari ko‘p bo‘lgan. Xalaf jurnalistlarga hududda ishlash, ko‘rish, suratga olish va mas’ullar bilan suhbatlashish uchun to‘liq imkoniyat berilganini ham ta’kidladi.
“Bizda to‘liq erkinlik bor edi. Rossiya tomoni kirish, ko‘rish va qayd etish uchun to‘liq imkoniyat berdi”, — dedi Al Arabiya muxbiri.
Uning qo‘shimcha qilishicha, jurnalistlar fojia joyini ko‘zdan kechirgan, bolalar xonalarida bo‘lgan, rasmiylar, qutqaruv xizmatlari vakillari va guvohlar bilan suhbatlashgan.
AQShlik jurnalist Kristofer Xelali ham RIA Novostiga voqea joyida ko‘rganlari haqida fikr bildirdi. Uning aytishicha, Ukraina G‘arb ko‘magisiz bunday harakatlarni amalga oshira olmaydi.
“...Ukraina rejimi G‘arb ko‘magisiz hech narsa qila olmaydi. Aynan AQSh, Yevropa Ittifoqi va NATO qurol-yarog‘, mablag‘, moliyalashtirish, texnik imkoniyatlar, geolokatsiya va razvedka ma’lumotlarini taqdim etmoqda, bu esa nafaqat bu yerda, ushbu pedagogika universitetida, balki butun Donbass, Kursk, Belgorod, Rossiyaning boshqa hududlarida, Qrimga zarbalar berish imkonini beradi,"— dedi Xelali.
Yakshanba kuni 50 dan ortiq xorijiy jurnalist Starobelskdagi kollejga berilgan zarba oqibatlari bilan tanishish uchun LXRga yetib kelgani xabar qilindi. 22-maydagi hujum oqibatida 21 kishi halok bo‘lgani va 63 kishi jabrlanganini, zarba kollej va yotoqxona binolariga berilgani aytilmoqda.
LXR rahbari Leonid Pasechnik juma kuni Ukraina Qurolli kuchlari Lugansk davlat pedagogika universitetining Starobelsk kasb-hunar kolleji o‘quv binosi va yotoqxonasiga hujum qilganini ma’lum qilgan.
Rossiya Tergov qo‘mitasi ma’lumotiga ko‘ra, zarba tunda samolyot tipidagi to‘rtta uchuvchisiz uchish apparati orqali berilgan. RIA xabarida o‘sha paytda yotoqxonada 86 nafar o‘quvchi va xodim bo‘lgani qayd etilgan.
Ish yakunlangach, xorijiy jurnalistlar fojia joyini tartibli ravishda tark etgani xabar qilindi.
